Американскиот претседател Доналд Трамп објави слика генерирана со вештачка интелигенција, на која е прикажан како држи автоматска пушка, со експлозии во заднина и порака „Нема повеќе фин човек!“. Објавата е објавена на неговата платформа „Трут соушал“ и е насочена кон Иран, во контекст на притисоците околу нуклеарниот договор.

Во објавата Трамп напиша:

„Иран никако да се среди. Не знаат како да потпишат ненуклеарен договор. Подобро да се вразумат наскоро! Претседател ДЏТ.“

Сликата го прикажува Трамп во црн костум и очила за сонце, поставен пред пустински пејзаж со експлозии, додека во рацете држи автоматска пушка. На горниот дел од сликата стои пораката „Нема повеќе фин човек!“, придружена со американско знаме.

Објавата предизвика внимание поради начинот на кој Трамп ја испрати пораката до Техеран, користејќи драматична ВИ-генерирана визуелна содржина и остар политички речник. Таа доаѓа во период кога прашањето за иранската нуклеарна програма повторно е во фокусот на односите меѓу Вашингтон и Техеран.

Трамп и претходно инсистираше дека Иран мора да прифати договор што би спречил развој на нуклеарно оружје. Иранските власти, пак, во повеќе наврати тврдеа дека нивната нуклеарна програма има цивилна намена.