Американскиот претседател Доналд Трамп вели дека венецуелскиот претседател Николас Мадуро и неговата сопруга се на американски воен брод кој патува за Њујорк.

Трамп изјави дека Мадуро и неговата сопруга се на бродот „USS Iwo Jima“, кој се упатува кон Њујорк.

„Тие одат за Њујорк. Хеликоптерите ги однесоа и имаа убаво возење со хеликоптер - сигурен сум дека им се допадна. Но, убија многу луѓе, запомнете го тоа“, вели американскиот претседател. 

Тој изјави за „Фокс“ дека разговарал со Мадуро пред една недела.

„Ова беше многу важен симбол и ние - имавме разговори. Всушност, разговарав со него самиот, но реков, мора да се повлечете. Мора да се предадете“, рече Трамп.

Претседателот на САД изјави дека го гледал апсењето на венецуелскиот претседател Николас Мадуро во реално време од соба во Мар-а-Лаго заедно со воени генерали.

„Искусни воени лица ми кажаа дека ниедна друга земја на Земјата не може да изведе таков маневар“, изјави Трамп за Фокс њуз во телефонско интервју.

„Всушност, тие едноставно провалија и провалија на места каде што всушност немаа пристап, провалија низ челични врати што беа поставени само поради таа причина и беа уништени за неколку секунди. Никогаш не сум видел нешто слично“, продолжи Трамп.

Трамп, исто така, рече дека САД имаат „огромен број“ авиони во употреба, вклучувајќи хеликоптери и борбени авиони. Тој додаде дека американските единици немале ниту еден загинат, само неколку ранети, и дека еден од нивните хеликоптери бил погоден, но дека авионите, исто така, успеале да се вратат во базата.

Републиканскиот сенатор од Јута, Мајк Ли, повикувајќи се на информација што му била соопштена при телефонски разговор со државниот секретар Марко Рубио, вели дека венецуелскиот претседател Николас Мадуро е уапсен за да му се суди во Соединетите Американски Држави (САД), пренесува Си-ен-ен.