Трамп: НАТО станува многу посилен и поефикасен ако Гренланд е во рацете на САД
Американскиот претседател Доналд Трамп вели дека НАТО треба да му помогне да го преземе Гренланд.
„САД имаат потреба од Гренланд поради националната безбедност. Тој е од клучно значење за „Златната купола“ што ја градиме. НАТО треба да ја предводи иницијативата за да го добиеме. Ако ние не го сториме тоа, ќе го сторат Русија или Кина – и тоа нема да се случи. Во воена смисла, без огромната моќ на Соединетите Држави – моќ која јас ја изградив за време на мојот прв мандат и која сега ја носам на ново, уште повисоко ниво – НАТО не би бил ефикасна сила или средство за одвраќање. Ни приближно! Тие го знаат тоа, а го знам и јас. НАТО станува многу посилен и поефикасен ако Гренланд е во рацете на Соединетите Американски Држави. Сѐ помалку од тоа е неприфатливо“, пишува Трамп.
Премиерот на Гренланд Јенс-Фредерик Нилсен рече дека неговиот народ би ја избрал Данска пред САД ако биде ставен во таа позиција.Трамп сакаше и да го купи островот. Имаше предлог на жителите да им се дадат до 100.000 долари.
foto Wikipedia/Quintin Soloviev
Слично
Поврзани вести
