Американскиот претседател Доналд Трамп најави нова акција во Ормускиот теснец, која ја опиша како „хуманитарен гест“, со цел да им помогне на бродовите на неутрални земји да излезат од ова стратешко поморско подрачје.

Според најавите, акцијата треба да започне во понеделник наутро, а во неа ќе учествуваат и бродови на американската морнарица. Сепак, тие нема нужно да обезбедуваат директна придружба, туку ќе бидат во близина за да интервенираат доколку има закана од напад врз трговските бродови.

Трамп на социјалната мрежа Truth Social посочи дека целта на операцијата е да се помогне на државите кои не се вклучени во американско-израелскиот конфликт со Иран.

• „Ќе ги изведеме нивните бродови безбедно од овој ограничен пловен пат за да можат да продолжат со своите активности“, напиша Трамп.

Според податоците на Меѓународната поморска организација, стотици бродови и околу 20.000 морнари се заглавени во Ормускиот теснец од почетокот на конфликтот.

Ормускиот теснец е една од најважните светски поморски рути за транспорт на нафта и гас, па секоја ескалација во овој регион има значајни последици врз глобалната економија и енергетските пазари