Американскиот претседател Доналд Трамп во интервју за Фокс њуз на сугестија на водителот Такер Карлсон го омаловажи членството во НАТО на најновиот сојузник - Црна Гора, бидејќи "агресивните луѓе" на таа земја може да предизвикаат глобален конфликт и да ги вовлечат САД во истиот.

"Патем, тие се многу силни луѓе, тие се многу агресивни луѓе", рече Трамп. "Тие можат да станат агресивни. И честитки, вие сте во Третата светска војна".

Црна Гора, наводно, на последниот самит дала ветување дека земјата ќе помогне во борбата против најдолгата војна во Авганистан. Пред пристапувањето во НАТО, Црна Гора, помогаше во напорите за реконструкција на Авганистан речиси осум години.

Црна Гора во 2016-та се соочи со голем постизборен скандал, откако беше обелоденето дека агенти поврзани со Русија кроеле план да го убијат црногорскиот премиер.