Американскиот претседател Доналд Трамп изјави дека им рекол на иранските власти дека е „премногу доцна“ за преговори.

„Нивната воздушна одбрана, воздухопловните сили, морнарицата и раководството ги нема. Тие сега сакаат да разговараат. Јас реков „Премногу доцна!“, напиша Трамп.

Конфликтот меѓу САД, Израел и Иран почна во сабота наутро, кога американските и израелските сили извршија напади врз ирански воени и безбедносни цели, вклучувајќи локации во и околу главниот град Техеран. Иранските државни медиуми потврдија дека врховниот лидер ајатолахот Али Хамнеи е убиен во нападите. Загинаа и членови на неговото семејство. 

Мансуре Багерзаде, сопругата на убиениот ирански врховен водач ајатолахот Али Хамнеи, која беше повредена во истиот американско-израелски напад во саботата, им подлегна на повредите.

Шефот на иранската дипломатија, Абас Арагчи, вчера изјави дека иако САД и Израел почнаа војна против неговата земја, Иран ќе одлучи како и кога ќе заврши војната.

САД не сака Иран да поседува нуклеарно оружје. Лани, САД ги нападнаа постројките во Иран. Американците им забележуваат на Иранците затоа што извикуваа „Смрт за Америка“ и „Смрт за Израел“. 

foto printskrin youtube