Американскиот претседател Доналд Трамп ја прогласи неделата за „голем ден за Германија“ по изборите на кои централнодесничарската опозиција освои најмногу гласови, додека крајнодесничарската партија AfD се најде на второто место, постигнувајќи го својот најдобар резултат досега.

„Исто како и во Соединетите Американски Држави, Германците се уморни од политика која нема врска со здравиот разум, особено за енергијата и имиграцијата“, напиша Трамп на социјалната мрежа Truth Social.

„Ова е одличен ден за Германија и за Соединетите Држави под водство на господинот Доналд Џ. Трамп“, додаде тој. „Честитки до сите – нека следат уште победи“.

Советникот на Трамп, Илон Маск, беше гласен во својата поддршка за екстремно десничарската Алтернатива за Германија (AfD), која освои околу 20 отсто од гласовите.