Нов „хит“ на Џо Бајден во пресрет на претседателските избори во САД - Илјадници фотографии од неговиот син, на кои е прикажан гол, како се дрогира и има секс со проститутки.

Пред неколку дена, екстремно десничарскиот „интернет активист“ и поранешен советник на Доналд Трамп - кога тој беше претседател на САД - Гарет Зиглер, најави дека ќе постави 10.000 украдени датотеки на Интернет - меѓу нив и илјадници засрамувачки фотографии од Хантер Бајден – син на Џо Бајден – да му даде до знаење на „американскиот народ што всушност е првото семејство на САД“.

Циглер тогаш изјави дека е во процес на уредување на сликите и „замаглување на гениталиите на Хантер Бајден и женските лица“.

Сега, преку екстремно десничарската непрофитна организација Марко Поло, Зиглер на веб-страницата bidenlaptopmedia.com постави 8.864 фотографии од синот на американскиот претседател, на кои - меѓу другото - е прикажан гол, како се дрогира и има секс со проститутки.

Сè уште има семејни фотографии на Хантер Бајден, како и слики кои содржат приватни информации како банкарски податоци и броеви за социјално осигурување, но тие се дигитално уредени.

Досиејата биле на украдениот лаптоп на Хантер Бајден. Фотографиите се датирани помеѓу 2008 и 2019 година и се направени од различни локации вклучувајќи ги Хаваи, Кина, Лондон, Париз, Рим и САД.

„Работата број еден што нè интересира е вистината и транспарентноста“, изјави 28-годишниот Зиглер за Fox News Digital (исто така „про-Трамп“).