Американскиот претседател Доналд Трамп го одложи за уште еден ден ултиматумот што му го постави на Иран за повторно отворање на Ормутскиот теснец, поставувајќи нов рок за вторник во 20 часот по источноамериканско време, односно среда во 2 часот по македонско време. Новиот термин го објави преку платформата Truth Social, каде кусо напиша: „Вторник, 20 часот по источно време“.

Во претходните објави и интервјуа, Трамп тврдеше и дека постои можност за договор, но воедно испраќаше остри закани и најави за силен одговор ако Иран не го отвори стратешки важниот морски премин. Белата куќа, според Ројтерс, засега не дала дополнително појаснување дали објавата со точниот час се однесува на крајниот рок за договор или на можен почеток на американска акција.