Американскиот претседател Доналд Трамп изјави дека САД минатата недела уништиле „голем објект“ во Венецуела како дел од кампањата за притисок врз Каракас, но не даде дополнителни детали за наводната воена акција на САД.

„Тие (Венецуела) имаат голема фабрика, или голем објект, од каде што доаѓаат бродовите. Ние го уништивме пред две ноќи. Им нанесевме многу голем удар“, рече Трамп во интервју со радио водителот и донатор на Републиканската партија, Џон Кациматидис, објави Си-Ен-Ен.

Како што забележува CNN, неименуван функционер на американската администрација, коментирајќи ги изјавите на Трамп, појасни дека американскиот претседател се осврнува на објект на нарко-картел, но не даде никакви дополнителни детали за наводниот напад.

Венецуелскиот претседател Николас Мадуро пред неколку дена му одговори на американскиот колега, порачувајќи му да се фокусира на проблемите во сопствената земја. Тензиите ескалираа поради запленувањето на венецуелските танкери за нафта и санкциите што САД ги воведе. 

foto printskrin youtube