Новиот американски претседател Доналд Трамп ја става под директна своја контрола Агенцијата на Соединетите Американски Држави за меѓународен развој, позната како УСАИД.

Во официјалната објава на Американскиот Стејт департмент стои дека Трам го овластил државниот секретар Марко Рубио да го преземе управувањето со УСАИД, и на тој начин, практично, да има директна контрола како ќе се распределуваат 40-те милијарди долари, колку што изнесува годишниот буџет на организацијата. 

„УСАИД долго време отстапува од својата првична мисија за одговорно унапредување на американските интереси во странство, и сега е сосема јасно дека значителни делови од финансирањето на УСАИД не се усогласени со основните национални интереси на Соединетите Држави.

Како привремен чекор кон стекнување контрола и подобро разбирање над активноста на агенцијата, претседателот Доналд Џеј Трамп го назначи секретарот Марко Рубио за вршител на должноста администратор.

Секретарот Рубио, исто така, сега го извести Конгресот дека во тек е преглед на активностите за странска помош на УСАИД со поглед на потенцијална реорганизација.

Додека ја оценуваме УСАИД и гарантираме дека е во согласност со агендата на „Прво на Америка“ и напорите на Стејт департментот, ќе продолжиме да ги штитиме интересите на американскиот народ и да се погрижиме да не се трошат нивните даночни долари“, се вели во објавата од Стејт департментот.