Aмериканскиот претседател Доналд Трамп се закани дека САД ќе „убијат“ членови на палестинската терористичка група Хамас ако групата продолжи да убива цивили во Газа, објави американскиот претседател на социјалната мрежа „Truth Social“.

„Ако Хамас продолжи да убива луѓе во Газа, што не беше дел од договорот, нема да имаме друг избор освен да влеземе и да ги убиеме“, напиша Трамп.

Пораката доаѓа по извештаите за судири меѓу борците на Хамас и милициите во Газа откако израелските сили делумно се повлекоа, и по размената на заложници и затвореници во понеделникот.

Извештаите укажуваат дека Хамас егзекутирал луѓе што ги обвини за соработка со Израел.

Трамп претходно изјави дека судирите „не го мачат“ и не го поткопуваат неговиот мировен план. 

foto printskrin