23-годишниот Филип Керол американски турист од Балтимор преживеал пад во кратер на вулканот Везув откако се обидел да се фотографира.

Како што соопштија од полицијата во Неапол за локалните медиуми, туристот заедно со неговото семејство во текот на викендот стигнал на врвот на Везув по забранета патека, а кога стигнале до врвот на вулканот познат по уништувањето на римскиот град Помпеја, Филип Керол посегнал по својот телефон за да направи селфи на врвот на вулкан висок 1.218 метри.

Кога телефонот му паднал во кратерот, Филип се свртел и паднал.

NEW: 23-yr-old American tourist rescued after falling into Mt Vesuvius crater. Local officials tell @Lavanga the man dropped his phone while taking a selfie then tried to recover it. The man & his family were on part of a trail closed to tourists when this happened. pic.twitter.com/BwhK1TZeZV

— Shawn Reynolds (@ShawnReynolds_) July 12, 2022

„Утринава, од причини кои допрва треба да се утврдат, турист заедно со семејството тргна по забранета патека, стигна до работ на кратерот и падна во Везув“, изјави Џенаро Ламета, владин претставник.

Тој исто така истакна дека Керол можел да падне од височина од 300 метри во кратерот.

Речиси два милениуми по смртоносната ерупција во 79 година од нашата ера, која ги остави градовите Помпеја, Оплонтис и Стабија покриени со пепел, вулканот Везув останува еден од најпопуларните туристички атракции во земјата.

Додека Везув е технички сè уште активен вулкан, последната ерупција се случи во 1944 година, оттогаш вулканот е неактивен. Највисоката точка на вулканот е околу 1.277 метри со кратер длабок 304 метри.