Во Италија полицијата при контрола на самопослуги откри траги од коронавирус. 

Специјален оддел на италијанската полиција прегледа неколку илјади самопослуги за да утврди дали има траги од Ковид-19 на уредите и апаратите што се најчесто користени, пишува агенцијата Анса. Присуството на генетски материјал од коронавирусот е утврдено на количките и корпите што се користат во самопослугите, на банкоматите и на тастатурите на вагите.  Поради нехигиенaта, непочитувањето на растојанието помеѓу купувачите, недостиг на средства за дезинфекција, на 226 лица им се издадени казни на самото место. 12 супермаркети веднаш се затворени, а сопствениците биле казнети.

Во сите продавници задолжително е на самиот влез да има средство за дезинфекција на рацете, а во самопослугите и за дезинфекција на корпи и колички.