Првите 13 ослободени лица од заробеништво на Хамас се префрлени во Израел се на болничко лекување и се во добра состојба.

Имаше радост и олеснување кога израелските заложници што ги ослободи Хамас беа повторно обединети со нивните семејства.

Особено емеотивен е моментот кога деветгодишниот Охад Мундер трча низ ходникот во детскиот медицински центар Шнајдер во Петах Тиква кон својот татко.

Видеото објавено од болницата, исто така, покажува дека неговата мајка Карен и баба Рути се обединиле со семејството.

Охад беше ослободен вчера заедно со неговата 55-годишна мајка Карен Мундер и неговата баба Рути Мундер (78). Сопругот на Рути, Аврахам Мундер останува во Газа.

Охад наполни девет години додека се наоѓаше во Газа.

Ohad Munder, 9 hugs his father for the first time after being released from captivity in Gaza. (Video: Schneider children’s hospital). pic.twitter.com/RzMblVOAfx

— Bel Trew (@Beltrew) November 25, 2023

Ослободените заложници со добро здравје

Медимите јавуваат дека во детскиот медицински центар „Шнајдер“ се примени четири жени и четири деца кои Хамас ги ослободил и дека се во добра состојба.

Останатите пет Израелци се примени во медицинскиот центар Волфсон во градот Холон и исто така се во стабилна состојба.

На 7 октомври, Хамас изврши ненадеен и масовен ракетен напад врз Израел од Појасот Газа и ја проби границата, убивајќи околу 1.200 луѓе и киднапирајќи над 200 други во соседните израелски заедници.

Израел возврати со удари и нареди целосна блокада на Газа, прекинувајќи го снабдувањето со вода, храна и гориво.

Фото: Принтскрин/Твитер