Се повеќе западни медиуми објавуваат извештаи дека наводно саудиските власти под команда на кралот Салман извршиле тортура врз големиот број на приведени принцови, бизнисмени и членови на кралското семејство под сомнежи за корупција. 

Елитата на Саудиска Арабија која имаше во посед огромно богатство, акции во најбогатите државни фирми со нафта и други моќни бизниси, како и цврста политичка моќ. беше приведена во хотелот Риц-Карлтон за да се прикаже дека се третира со почит и достоинство од страна на власта.

Сепак, сега има и сведочења дека дел од приведените богаташи биле тепани, а им биле упатувани и најразличен вид на закани за да почнат да соработуваат. Повеќето од нив даваа и по милијарда долари само за да бидат ослободени од притвор со што Саудиска Арабија прифати да постигне спогодба и повеќе да не ги гони кривично. 

Тогаш саудиските власти соопштија дека успеале да вратат 100 милијарди долари во најголемата акција против корупција која исто така е проценета како чистка на кралот Салман кој сака да ја зацврсти својата моќ и владеење.