Топлотниот бран во Мексико однесе осум луѓе во смрт
Топлотниот бран во Мексико однесе човечки жртви.
Осум луѓе починаа во третиот топлотен бран што го погоди Мексико од средината на април. Веста ја потврди Министерството за здравство. Температурите неделава достигнаа рекордни 35 степени Целзиусови во главниот град Мексико Сити.
Во североисточниот град Монтереј, температурите надминаа 40 степени Целзиусови, притисокот на водата во домовите се намали, а зголемената побарувачка за електрична енергија од клима уредите доведе до прекин на снабдувањето.
Милиони луѓе во Тексас се подготвуваат за екстремни температури во текот на викендот, само неколку дена откако торнадо уби тројца луѓе.
Слично
Поврзани вести
