Јапонската автомобилска компанија Тојота соопшти дека во изминатото тромесечие, заклучно со септември, забележала три пати поголем профит во однос на истиот период лани. Како што соопштуваат од компанијата ова е резултат на  нејзиното јакнењето по земјотресот во Јапонија минатата година, а зголемена е и прогнозата на платите за цела година. Во соопштението се наведува дека во остварен е нето профит од 257,9 милијарди јени (3,2 милијарди долари), наспроти 80,4 милијарди јени од истиот период лани. Исто така надмината е и прогнозата на аналитичарите од 238 милијарди јени. Компанијата во меѓувреме се соочува со пад на продажбата во Кина, поради територијалниот спор со Јапонија, а во меѓувреме најави и дека повлекува над 7 милиони возила, од Европа, Сад и Кина,  поради дефект на прозорскиот прекинувач.