Виктор Понта поднесе оставка поради инцидентот во букурешкиот ноќен клуб. Неговата одлука е поврзана со инцидентот во букурешки ноќен клуб, каде по пожар загинаа 32 лица.

„Се срамам како премиер“, изјавил Понта во телевизиското обраќање. „Се надевам дека оставката на владата ќе ги задоволи луѓето кои излегоа на улица“, додал тој.

„Виктор Понта се откажува од својот мандат. Некој треба да ја прифати одговорноста за она што се случи. Ова е сериозно прашање и ние ветуваме брзо решение на ситуацијата“, изјави претходно претседателот на владејачката Социјалдемократска партија, Ливиу Драгнеа.

Оставката на Понта беше побарана синоќа од 20 000 Романци, кои излегле да протестираат против кршењето на законот кој доведе до трагедијата.

Демонстрантите побараа казна за сите кои се одговорни за давање на дозвола за работа на смртоносниот ноќен клуб „колективно“, кој не е одговорен на барањата.

Властите веќе уапсија тројца сопственици на ноќниот клуб, против кои се покренати обвиненија за убиство без предумисла. Ако судот ја признае вината ги чекаат доживотни казни или 25 години затвор.

Обвинението посочи дека клубот бил во зградата на поранешна фабрика и не е одговорен на нормите за безбедност пропишани за таков вид установи. Тој немал право да користи пиротехнички средства.

Просториите со површина од 450 квадратни метри биле за 80 лица, а ноќта кога се случила трагедијата во него имало 500 луѓе. Освен тоа внатрешните структури биле изградени од запаливите материјали со цел на заштеда. Според лекарите бројот на жртвите ќе се зголеми уште, бидејќи од третираните во моментов 146-те лица во критична состојба се 25 лица.

Сведоците прецизираа дека искра од пиротехничкото шоу ја запалила сценографијата на сцената. Обезбедувањето се обидело да го изгаси огнот со апарат за гаснење пожар, но поради дрвениот ентериер и многуте запаливи предмети оганот се проширил, а кровот се урнал.

Вратите за евакуација биле затворени. „Во стампедо луѓето паѓале на земјата, други се онесвестувале од димот и биле прегазени“, раскажа сведок на трагедијата. Според него вратите за евакуација биле отворени 15 минути подоцна, кога многу луѓе веќе биле мртви.