Полицијата во Полска уапси млад човек (19) кој , како што пренесуваат медиумите, планирал терористички напад. 

Момчето било дел од група неколку осомничени, од кои двајца биле претходно уапсени. 

Како што соопштиле службите во Полска, осомничените собирале податоци за ракување со огнено оружје, позиции за стрелање и борбени операции на отворени и затворени простори.

- Момчето кои имало само 19 години е осомничено за планирање терористички напад - изјави во четврток портпаролот на Министерството за внатрешни работи, Јацек Добжински.

Осомничениот, заедно со уште двајца претходно уапсени мажи, собирал информации за пиротехнички направи, а особено биле инспирирани од постапките на масовните убијци, вклучувајќи го и оној на Норвежанецот Андерс Брејвик, напиша Добжински на „Икс“.

- Групата беше фасцинирана од нивната идеологија. Тие ги анализираа начините на кои таквите луѓе извршуваа напади, како и грешките што ги правеа - рече тој.

19-letni mężczyzna podejrzany o planowanie czynu o charakterze terrorystycznym zatrzymany przez funkcjonariuszy Delegatury #ABW w Olsztynie ❗

Szef #MSWiA @TomaszSiemoniak w #PoranekRadiaTOKFM o działaniach służb w tej sprawie pic.twitter.com/krKPljZfgl

— MSWiA (@MSWiA_GOV_PL) June 12, 2025

Осомничените собирале податоци за ракување со огнено оружје, позиции за стрелање и борбени операции на отворени и затворени простори. Тие редовно вежбале на стрелишта и биле заинтересирани за воено-тактичка обука, покажа истрага во северниот град Олштин.

За разлика од повеќето други европски земји, Полска не доживеала терористички напад во својата модерна историја.

Фото: Принтскрин/Х