Заменик-началникот на кабинетот на украинскиот претседател Кирило Тимошенко изјави дека три лица загинале денеска во напад на руски дрон врз станбена зграда во Киев, пренесува Ројтерс. Тимошенко на Телеграм изјавила дека од зградата се спасени 19 лица, а спасувачите се уште се на местото каде се случил нападот.

Украинското министерство за полиција соопшти дека неколку луѓе биле убиени ширум Украина за време на најновите руски напади, но точниот број на жртви не е соопштен.

Портпаролот на украинските воздухопловни сили Јуриј Ихнат денеска изјави дека Украина уништила 37 руски беспилотни летала од неделата вечерта, што претставува повеќе од 85 отсто од беспилотните летала што учествувале во нападот на украинските градови.

Тој појасни дека беспилотните летала летале во Украина од југ.

Според украинските власти, Украина е нападната од синоќа и неколку градови се на удар на руски камикази беспилотни летала.