Тесла во океанот. Станува збор за невообичаена сцена која се случила недалеку од плажата во округот Санта Барбара во Калифорнија во САД.

Станува збор за Tesla Model 3, а електричниот автомобил го откриле припадници на противпожарната бригада Carpinteria-Summerland.

Според американскиот новинар Џон Палминтери, пожарникарите веднаш провериле дали има некој во возилото, а кога утврдиле дека е празно, полицијата покренала истрага за тоа што всушност се случило.

- Проверивме дали автомобилот е пријавен за украден и го известивме регистрираниот сопственик дека е негова одговорност да го отстрани автомобилот. Тие го возеле автомобилот на плажа, а потоа се заглавиле и го оставиле, бидејќи дошла плимата - изјави портпаролката на полицијата во Санта Барбара, Ракел Зик.

Сопственикот сега ќе мора да се соочи со процедурата за вадење на авбомобилот, но и со трошоците за истото, како и казни за загадување на околината.