Кубанската амбасада во Вашингтон била цел на напад со молотови коктели во неделата вечерта, соопштија кубанските власти, опишувајќи го инцидентот како „терористички напад“.

– Кубанската амбасада во САД беше цел на терористички напад извршен од поединец кој фрли два молотови коктели – напиша шефот на кубанската дипломатија Бруно Родригез на Твитер.

Cuba describes an attack with Molotov cocktails on its embassy in Washington as "terrorist"https://t.co/Eys2r0pgSs

— Jaun News (@JaunNews) September 25, 2023

Тој изјави дека нема повредени и не е причинета материјална штета. Ова е втор напад на кубанската амбасада во Вашингтон во последниве години, откако неидентификуван маж отвори оган врз зградата во април 2020 година, и за среќа во тој инцидент немаше жртви.

Нападот во неделата вечерта во Вашингтон се случи неколку часа по враќањето во Хавана на кубанскиот претседател Мигел Дијаз-Канел, кој беше во Њујорк на седницата на Генералното собрание на ОН.