Се стравува дека многу верници, меѓу кои и деца, денеска се убиени за време на неделна богослужба во католичка црква во југозападна Нигерија.

Напаѓачите наводно користеле огнено оружје и експлозиви. Анакурин Акередолу, гувернерот на нигериската држава Ондо, го осуди гнасниот и сатанистички напад врз црквата Свети Франциск, ветувајќи дека напаѓачите ќе бидат фатени.

Засега нема потврди за бројот на загинати или повредени, но се стравува дека бројот на жртвите би можел да биде голем. Во црквата во моментот на нападот имало деца, па се стравува дека меѓу жртвите има и најмлади.

I am deeply saddened by the unprovoked attack and killing of innocent people of Owo, worshiping at the St. Francis Catholic Church, Today.

The vile & satanic attack is a calculated assault on the peace-loving people of Owo Kingdom who have enjoyed relative peace over the years. pic.twitter.com/30fMbfnOxc

— Arakunrin Akeredolu (@RotimiAkeredolu) June 5, 2022

Лекар во болница во Ове, град во оваа држава во југозападна Нигерија, потврдил за новинарот на Ројтерс дека „голем број верници биле донесени без знаци на живот“.

Некои медиуми објавија дека верниците биле киднапирани од црквата, но оваа информација не е потврдена.

Нигерија, најнаселената африканска земја, беше место на чести напади и киднапирања од вооружени банди, главно во северозападните делови на земјата.