Во Индија во рок од неколку недели влегле над 60 вооружени терористи од територијата што е под контрола на Пакистан, информира весникот „Тајмс оф Индија“.

Мнозинство од терористите ѝ припаѓаат на сепаратистичката група „Хизб ул Муџахидин“. Тие во Индија упаднале користејќи ја нестабилната ситуација во државата Џаму и во Кашмир, пишува весникот, повикувајќи се на информација на индиските специјални служби.

Целта на терористите била да ја дестабилизираат државата, а  освен тоа, врбувале и млади луѓе за својата група, информираат истите извори.

Првиот заменик-министер за надворешни работи на Индија, Субраманијам Џаишанкар, изјави дека примил покана од својот пакистански колега, Азаз Чоудхри да го посети Исламабад за да ја разгледаат ситуацијата во Џаму и во Кашмир.

Субраманијам планирал во разговорите да го отвори и прашањето за прекуграничниот тероризам со кој се соочуваат.