Гневна толпа која се насобра пред  од катедралата Сент Клементс каде што се одржуваше миса за настраданите во катастрофалниот пожар во лондонската кула Гренфел ја избрка премиерката Тереза Меј. 

Дел од граѓаните тргнаа кон нејзината моторизирана поворка, но полицијата и агентите од нејзиното обезбедување веднаш ја заштитија и формираа блокада за гневните демонстранти да не ја нападнат физички. Тие извикуваа навредливи пароли кон Меј која брзо беше повлечена од катедралата заедно со моторизираната поворка.

Во пожарот во големата кула Гренфел во Лондон се верува дека најмалку 70 лица го загубиле животот иако оваа бројка властите не сакаат се уште да ја потврдат.