Температури до -55 степени: Циклон бомба во Америка-Ќе го дочекаат најстудениот Божиќ во последните 40 години
САД очекуваат температури до -55 степени оваа недела, а се прогнозира дека ова може да биде најстудениот Божиќ во последните 40 години.
Снежната бура што ги погоди САД оваа недела би можела да им го донесе на делови од земјата најстудениот Божиќ во последните четири децении, велат синоптичарите.
Студениот бран започна во вторникот во северозападниот дел на Пацификот, а пред да стигне на истокот на земјата во петок навечер, ќе се претвори во циклон бомба, јавува Би-би-си.
We're LIVE tracking #Elliott!
— The Weather Channel (@weatherchannel) December 21, 2022
Watch our air for the latest field coverage, alerts, and winter storm videos. pic.twitter.com/WpGN1f4Tpm
Повеќе од 90 милиони луѓе во 37 земји се предупредени за „ледениот Армагедон.“ Околу 80 проценти од нацијата ќе се соочат со температури под нулата, вклучувајќи ги и државите дури на југ како Тексас. Тоа ќе биде најстудениот Божиќ од крајот на 1980-тите. Дури и сончевата Флорида се прогнозира дека ќе го доживее најстудениот Божиќ во последните 30 години.
Националната метеоролошка служба (NWS) соопшти дека температурите од -45°C до -55°C се можни во некои делови од земјата до крајот на оваа недела. Прогнозираниот ветер може да предизвика смрзнатини за помалку од пет минути доколку навреме не се преземат мерки на претпазливост, а можна е хипотермија и смрт од долготрајно изложување на студ.
NVS ја нарече оваа бура настан кој се случува еднаш во генерација. Ќе стигне и до регионот на Големите езера каде се очекува да достигне јачина на урагани од трета категорија. Гувернерите на Кентаки и Северна Каролина прогласија вонредна состојба, а се очекува снежните услови и замрзнатите патишта да предизвикаат сообраќаен хаос.
Денот на благодарноста помина со минимално нарушување, за жал тоа нема да биде до Божиќ, изјави американскиот секретар за транспорт Пит Бутиџиг за MSNBC во средата.
Стотици летови од Денвер и Чикаго се веќе откажани. Се прогнозира дека Денвер ќе се соочи со најголемиот дел од студениот бран во четврток наутро, кога температурите ќе паднат до -27 степени. Чикаго почна да се подготвува за обилни снежни врнежи кои ќе бидат придружени со ветрови кои ќе надминат 80 km/h.
Како што се развива бурата, метеоролозите предвидуваат дека ќе се претвори во циклон бомби, кој се формира со нагло опаѓање на притисокот, што ќе донесе виулици, грмотевици и обилни врнежи.
ФОТО: Screenshot: Twitter
Слично
Поврзани вести
