Претседателот Бајден и претседателот Макрон се договорија нивните тимови да бидат во редовен контакт, во консултации и со сојузниците во НАТО и со партнерите од ЕУ, се вели во соопштението на Белата куќа.

Претседателот на Соединетите Американски Држави Џо Бајден и неговиот француски колега Емануел Макрон оствариле телефонски разговор во кој се договориле за заедничка политика кон Русија.

Двајцата ја потврдија својата поддршка за суверенитетот и територијалниот интегритет на Украина, соопшти Белата куќа.

Biden-Macron pic.twitter.com/11GU67siKM

— annmarie hordern (@annmarie) February 3, 2022

„Претседателот Бајден и претседателот Макрон се согласија дека нивните тимови ќе бидат во редовен контакт, во консултации и со сојузниците во НАТО и со партнерите од ЕУ, за нашиот координиран и глобален пристап за решавање на овие прашања“, се вели во соопштението. Се додава дека двајцата претседатели разговарале и за тековната координација на дипломатско ниво.

Бајаден и Макрон разговарале и за воведување брзи и остри економски санкции кон Русија во случај на инвазија на Украина, пренесува Ројтерс.

фото: Твитер