Анализата на сателитски снимки на New York Times ги отфрла тврдењата на Русија дека убиствата на цивили во Буча, предградието на Киев, се случило откако нејзините војници го напуштиле градот.

Кога викендов се појавија слики од тела на мртви цивили кои лежат на улиците на Буча - некои со врзани раце, некои со прострелни рани во главата - Министерството за одбрана на Русија ја отфрли одговорноста. Во објавата на Телеграм во неделата, Министерството сугерираше дека телата неодамна биле ставени на улиците откако „сите руски единици целосно се повлекле од Буча“ околу 30 март.

Русија тврдеше дека сликите се „уште една измама“ и повика на итен состанок на Советот за безбедност на ОН за, како што рече, „провокации на украинските радикали“ во Буча.

Но, прегледот на видеа и сателитски снимки на NYT покажува дека многу од цивилите биле убиени пред повеќе од три недели, кога руската војска го контролирала градот.

Едно видео снимено од член на локалниот совет на 1 април покажува повеќе тела расфрлани по улицата Јаблонска во Буча. Сателитските снимки доставени до медиумот од Maxar Technologies покажуваат дека најмалку 11 од нив биле на улица од 11 март, кога Русија, според свои информации, го окупираше градот.

За да потврди кога се појавиле телата и кога цивилите најверојатно биле убиени, тимот за визуелни истраги на Тајмс спроведе анализа пред и потоа на сателитски снимки. Сликите покажуваат темни предмети со слична големина на човечко тело кои се појавуваат на улицата Јаблонска помеѓу 9 март и 11 март. Предметите се појавуваат во прецизните позиции во кои беа пронајдени телата откако украинските сили го вратија Буча, како што покажува снимката од 1 април. Понатамошната анализа покажува дека тие останале во таа положба повеќе од три недели.

Причините за смртта се нејасни. Некои од телата беа покрај она што изгледа како ударен кратер. Другите беа во близина на напуштени автомобили. Три од телата лежеле покрај велосипеди. Некои се со рацете врзани зад грб со бела ткаенина. Телата беа расфрлани на повеќе од половина километар од улицата Јаблонска.

Второто видео снимено на улицата Јаблонска покажува уште три тела. Еден лежи покрај велосипед, друг во близина на напуштен автомобил. Сателитските снимки покажуваат дека напуштените автомобили и телото во близина се појавуваат помеѓу 20 и 21 март.

Ова се само дел од телата на цивили откриени од саботата. Асошиетед прес објави слики од најмалку шест мртви мажи кои лежат заедно во задниот дел од деловна зграда, некои со врзани раце зад грб. Зградата е една милја западно од другите жртви пронајдени по улицата Јаблонска.

Уште една милја понатаму, фотограф на „Тајмс“ откри тело на маж со прострелна рана на главата што лежеше покрај велосипед.

Satellite images refute Russia’s claim that the killing of civilians in Bucha, a suburb of Ukraine's capital, occurred after its soldiers had left town, a New York Times analysis found. https://t.co/yTsRuItPuA

— The New York Times (@nytimes) April 5, 2022