Талибанците убија авганистански пејач на народна музика само неколку дена откако објавија дека музиката на јавни места ќе биде забранета, објави Ал-Арабија.

Пејачот Фавад Андараби беше брутално убиен во селото Кишнабад, објави на Твитер поранешниот авганистански министер за внатрешни работи, Масуд Андараби.

„Бруталноста на Талибанците продолжува во Андараби. Денес тие брутално го убија фолк пејачот Фавад Андараби, кој носеше радост во оваа долина и на нејзините луѓе", напиша Андараби на Твитер.

Taliban’s brutality continues in Andarab. Today they brutally killed folkloric singer, Fawad Andarabi who simply was brining joy to this valley and its people. As he sang here “our beautiful valley….land of our forefathers…” will not submit to Taliban’s brutality. pic.twitter.com/3Jc1DnpqDH

— Masoud Andarabi (@andarabi) August 28, 2021

Според светските медиуми, Фавад бил извлечен од својот дом со сила, а потоа и убиен.

Портпаролот на Талибанците, Забихула Муџахид пред неколку дена објави дека музиката на јавни места ќе биде забранета.

-Музиката е забранета во Исламот, и се надевам дека ќе ги убедиме луѓето да не прават такви работи, рече тој.