Иако биле познати по своето сурово владеење, дел од овие озлогласени диктатори имале свои стравови и фобии. Еве неколку од нив.

Николае Чаушеску

Романскиот диктатор Чаушеску бил познат хипохондрик, а коренот на неговата хипохондрија историчарите го наоѓаат во проблемите со грлото кои ги имал како млад. Поради стравот од климатизери скоро ниедна зграда во Романија немала клима уред, а и кога престојувал на места како Африка не користел клима уред. Во подоцнежниот живот развил и страв од бактерии, па така се што ќе допрел морало да биде дезинфицирано пред тоа. Неговата посада секогаш имала влажни марамчиња за да ги избрише рацете ако се поздрави со некого, а после посетата на Картер, кој го бакнал во образ Чаушеску во автомобилот на заминување се полил со алкохол. На посетите во странство никогаш не јадел од храната на приемите во страв дека може да е затруен.

Кил Ил Сунг

Основачот и лидерот на Северна Кореја Ким Ил Сунг после совојот 65-ти роденден развил фобија од смртта. За да ја победи собрал 1.750 научници кои ја испитувале народната медицина и правеле експерименти за да му помогнат на лидерот да живее до 100, 120 години.

Еден од нивните први обиди беше да ја победат смртта со смеа па за таа цел се организираа комични претстави и беа ангажирани деца да изведуваат смешни и слатки точки за да му го продолжат животот.

Другиот начин не беше толку невин, па Ким почна да прима трансфузии на крв од луѓе во своите 20-ти кои биле одбрани за таа цел и хранети за да имаат подобра крв. Диктатортот доживеа 82 години.

Адолф Хитлер

Иако Хитлер е познат како љубител на животни тој имал чудна антипатија кон коњите кои го асоцирале на арогантноста на аристократијата. Кога коњите добивале повеќе внимание на парадите од неговото најново оружје се обидел да ја укине коњаницата во војската.

Сталин

Еден од поголемите стравови на Сталин било летањето. Авионот кој бил направен специјално за него, а имал осум мотори, кино и библиотека се срушил на летот на кој требало да биде прикажан пред публиката. За патување Сталин преферирал автомобил, а ако дестинацијата била подалечна патувал со воз и воена придружба. Неговиот единствен лет е во 1943-та година за да замине на конференцијата во Техеран. Иако првенствено сакал да стигне до Техеран по копнен пат сепак условите не дозволувале сигурно патување.

(Извор:Mojo.мк)