Медискиот конгломерат „Тајм Ворнер“ се раздели со „Тајм инкорпорејтед“ и ќе почне со работа како одделна компанија до крајот на годината. Со тоа „Тајм Борнер“ стави крај на учеството во печатените медиуми кои некогаш беа основата за успех на компанијата. Одлуката е донесена откако пропадна преговорите за спојување на „Тајм инкорпорејтед“ со „Мередит„, главен издавач на списанија за жени. „Одвојувањето ќе даде можност на Тајм Ворнер да се фокусира на филмови и телевизиски бизнис кои се подоходовни“, вели во соопштение извршниот директор Џеф Бјукс. Компанијата е сопственик на тв-каналот Ејџ-Би-О и на Ворнер брадерс. Тајм во изминатите неколку години бележи пад на бројот на читатели и на интерес за реклами во најголемите изданија – Спорт илустрејтед, Пипл и Ин Стајл. Минатата година продажбата е намалена за седум отсто, а приходите за 25 отсто. Планирано е намалуавње на персоналот за 500 луѓе од осум илјади колку што работат во моментот