Во воените операции во Сирија, Русите покажале подобри резултати, отколку од воените напади на Алијансата.

Иако НАТО испратиле повеќе авиони, сепак руските вооружени сили биле попрецизни и поефикасни, пишува германскиот весник Фокус, повикувајќи се на таен аналитички извештај на организацијата.

Па така,40 руски ловци во Латакија вршат околу 75 мисии дневно со „прецивен и ефикасен напад” врз позициите на ИСИС. Воените сили на НАТО пак, со 180 авиони дневно уништуваат 20 мети.

Русија во Сирија ја користи најсовремената техника: на пример, Москва во Латакија испрати четири авиони Су-35, кои според проценките на експертите ги надминуваат можностите на повеќето западни авиони.

Германскиот весник пишува дека воената подготвеност на Русите се должи на на одличната обука на пилотите и моќта на авионите.

Аналитичарите на Алијансата истакнуваат дека токму руската операција ги натерала терористите на Исламска држава да се повлекуваат од окупираните територии и да ја прекинат жестоката „демонстрација на сила“.