Вториот пилот на летот 9525 на „Germanwings“ Андреас Лубиц, за кој се тврди дека намерно ја предизвикал несреќата на авионот „Ербас А320“ на 24 март, правел истражување на интернет за методи на самоубиство и на системите за заклучување на пилотската кабина. Тоа го објавија германски обвинители, кои учествувале во претресот на домот на Лубиц во Дизелдорф, соопштува АП.

Тие откриле таблет во станот на Лубиц и успеале да ги повратат податоците во него од периодот 16-23 март.

„Историјата на посети покажува дека пилотот се информирал за начините за самоубиство, како и за вратите на пилотската кабина и мерките за безбедност“, се вели во соопштението на обвинителството во Дизелдорф.

„Од една страна тој е заинтересиран од методи за лекување и, од друга страна, за начини за самоубиство. Покрај тоа, барем еден ден порано Лубиц барал по клучни зборови за врати на пилотската кабина и мерките за нивната безбедност“, рече портпаролот на обвинителството Ралф Херенбруек.

Според обвинението, личната кореспонденција и барани од него нештата на интернет од таблетот, чија историја на сурфање не била претходно бришена“ одржуваат заклучок дека уредот (таблетот) е користен од вториот пилот во истиот период“.