Лице заразено со коронавирус ќе развие симптоми во просек за пет до шест дена, велат од Светската здравствена организација(СЗО).

Сепак, симптомите може да почнат да се појавуваат од првиот до 14 дена по инфекцијата, додека кај некои луѓе тие воопшто не се појавуваат. СЗО советува изолација 10 дена по почетокот на симптомите или врз основа на позитивен тест во случај на асимптоматски случај и дополнителни три дена изолација по престанокот на симптомите. 

Сојот омикрон има неколку мутации во протеинот на шилци, што значи дека е многу заразен дури и за луѓето кои биле вакцинирани и луѓето кои преживеале некои од претходните соеви.

Според истражувањата, ПЦР тестовите можат да го детектираат вирусот еден до три дена пред почетокот на симптомите, кога вирусното оптоварување е најголемо.

По овој период, количината на вирусот во телото постепено се намалува додека вирусот повеќе не може да се открие со ПЦР тест. Во светот над 5.6 милиони луѓе досега починаа од коронавирусот. 

foto freepik.com