Епидемијата од Блискоисточниот респираторен синдром (MERS) во Јужна Кореја се покажува дека смртоносните инфективни зарази можат да погодат некој регион во секое време, но „MERS“ сеуште не претставува светска закана, се наведува во извештај на Светската здравствена организација (СЗО), пишува јапонскиот весник „Yomiuri Shimbun“.

Откако се оддржала средба на Комисијата за вонредни ситуации, посветена на „MERS“, СЗО соопштила дека епидемијата од Блискоисточниот респираторен синдром не претставува закана за светот.

„Оваа епидемија е повик за будење. Тоа покажува дека во еден високо мобилен свет сите страни треба да бидат секогаш подготвени за можноста да се случи епидемија како оваа, како и други тешки инфективни катастрофи“, се наведува во соопштението на СЗО.