СЗО апелира до владите на државите во светот да постапуваат многу внимателно кога ги олабавуваат мерките кои се однесуваат на спречување на ширењето на корона вирусот, а шефот на СЗО за итни ситуации, Мајкл Рајан веќе предупреди дека наглото опуштање на мерките ќе доведе до зголемување на бројот на новозаразени.

-Секоја земја сега ги отстранува ограничувањата на еден или друг начин со цел да се воспостави рамнотежа помеѓу враќањето во нормален живот и потребата од контрола на вирусот. Но, преносот на вирусот ќе се зголеми кога ќе се отворат земјите, бидејќи не се сите вакцинирани и не е сигурно колку вакцинацијата го ограничува ширењето на инфекцијата.

Исто така СЗО ги предупредува богатите земји да не пристапуваат веднаш кон вакцинацијата на децата, со цел да има што помасовна вакцинација и во сиромашните земји, за што е потребно богатите да донираат вакцини.