Судири во Ерусалим имало по петочната молитва и покрај договореното примирје
Нови немири имало во Ерусалим по петочната молитва и покрај прекинот на огнот кој го договорија Израел и Хамас.
Судири имало меѓу Палестинците и израелските власти се случија во комплексот на џамијата „Ал-Акса“ во Ерусалим. Од израелската полиција велат дека Палестинците фрлале камења кон полицајците, па властите морале да употребат шок-бомби и солзавец. Палестинската Црвена полумесечина пријави 15 повредени лица во судирите меѓу Палестинците и полицијата.
По неполни 12 часа по стапувањето во сила на прекинот на огнот во конфликтот во Газа, дојде до нови улични судири меѓу Палестинците и израелските безбедносни сили во Ерусалим и на Западниот Брег. И претходно, судири кај џамијата Ал Акса доведоа до ескалација на конфликтот меѓу Израел и исламистичкиот Хамас во Појасот Газа. Напади имаше цели 11 дена.
Слично
Поврзани вести
