Речиси 50 загинати има во судирите меѓу армијата и бунтовници во Пакистан. 

Најмалку 47 лица загинаа во повеќе одделни вооружени судири меѓу пакистанските безбедносни сили и бунтовнички групи на југот на Пакистан. Според официјалните информации, меѓу жртвите има 10 припадници на армијата и полицијата и 37 милитанти. Нападите се изведени координирано на неколку локации, а властите прогласија вонредна состојба во делови од земјата.

Пакистанските власти соопштија дека бунтовниците извршиле десетина координирани напади врз затвори, полициски станици и паравоени бази во јужниот дел на земјата. 

Накви тврди дека зад нападите стои групата „Фитна ал-Хиндустан“, како и забранетата Ослободителна војска на Белуџистан (BLA) и други сепаратистички формации, за кои Пакистан тврди дека имаат поддршка од Индија, обвинувања што Њу Делхи ги негира.

Белуџистан со децении е жариште на сепаратистички бунтови, каде групи бараат поголема автономија или независност од централната влада во Исламабад. BLA е забранета организација во Пакистан и е означена како терористичка организација и во Соединетите Американски Држави. Пакистанските власти тврдат дека сепаратистичките групи соработуваат со пакистанските и авганистанските талибанци, кои во последните месеци ги интензивираа нападите врз безбедносните сили.

foto freepik.com