Koга ПЕГИДА започна  со активности во октомври 2014 година, едвај неколку стотици луѓе излегоа на протест против „исламизацијата на Западот". 

Нивниот број порасна до илјадници минатата година. Тој е намален сега, кога организацијата наближува кон својата втора годишнина, но ПЕГИДА е уште тука, пишува ДПА.

Антиисламистичкото движење одби да згасне, иако  веќе не собираат по 25.000 учесници, како порано.

„Дрезден го покажува патот напред" е одамна омилен слоган на движењето, кое се раширило брзо низ други центри во Германија и го привлекло вниманието на крајнодесничарските движења во Европа. 

Сега  целта е „диктатурата на Меркел", која ја сметаат за деструктивна за народот на Германија поради миграциската политика. 

„Ако не ја сакаш Германија, треба да ја напуштиш Германија" - велат тие.

Стравот е она што ја „храни“ ПЕГИДА - стравот кој приврзаниците на движењето го чувствуваат кон странците.