Петгодишно момче било пронајдено во петокот околу 18 часот во вреќа за отпадоци во Вал де Марн, предградие на Париз, додека напаѓачот сам се пријавил во полиција и рекол дека „убил дете“.

Несреќното момче го пронашол сограѓанин. Детето е во тешка состојба, поради што е ставен во вештачка кома, а моментално се наоѓа во болницата Некер во главниот град. При првиот преглед на телото биле откриени траги од задушување и удари.

Како што пренесува „Ле Паризиен“, жртвата претрпела сексуално насилство.

Како што соопшти градоначалникот, напаѓачот (29) сам се пријавил во блиската полициска станица, при што тврдел дека „убил дете“ и објаснил на полицијата каде да го најде неговото тело.

Полициските службеници кои биле испратени на местото на настанот забележале метеж околу контејнерот за ѓубре. Телото на малото момче било пронајдено во торба, а поради хипотермија му била укажана помош од пожарникари, по што полицијата го однела во болница.

Се уште не се сигурни дали целото дете било во вреќата, бидејќи некои медиуми објавија дека само главата му била завиткана. За жал, прогнозите за неговото закрепнување не се добри.

Мажот (29) кој беше уапсен под сомнение дека сексуално злоставувал петгодишно момче во Париз, а потоа брутално го претепал, го задавил и го оставил да умре, добил притвор.

Додека бил на распит, на телефонот покажал фотографија од момчето и објаснил каде го фрлил телото. Во исто време полицијата добила повик од случајни минувачи кои рекле дека пронашле дете во вреќа за ѓубре кое едвај дише.

Спасувачките екипи го пронашле детето во многу тешка состојба со бројни модринки и траги од задушување. Иако првите информации беа дека детето е целосно завиткано во кеса за ѓубре, Le Figaro пишува дека само главата на детето била завиткана во кеса.

Човекот кој бил уапсен се претставил како бебиситерка. Наводно, роднина на момчето рекол дека младиот човек долго време го чувал малото.

Се уште не се познати мотивите зад ова грозоморно злосторство.

Осомничениот и претходно бил обвинет за полов напад врз малолетник. Тој е осомничен дека во јуни минатата година злоставувал дете (15).

Според медиумите, лекарите го ставиле петгодишното момче во индуцирана кома и прогнозата е многу лоша.

Фото: Принтскрин/Фејсбук