Истражувањето кое траело со месеци покажува дека во САД пристигнале десетици милиони фалсификувани и употребени нитрилни ракавици и тоа, како што тврди CNN, е само врвот на ледениот брег. Истраги се во тек во САД и Тајланд.

Еден од експертите, Даглас Стајн, рече дека нитрилните ракавици се „во моментов најопасната стока на Земјата“.

Даглас Стајн рече дека огромна количина лоши производи доаѓаат во Соединетите држави и дека тоа е „бескраен прилив на валкани, користени и под стандардните ракавици, а обемот на тоа, се чини, дури сега почнува да се разбира од федералните власти“.

Во февруари и март оваа година, една американска компанија предупреди две федерални агенции - Царината и Администрацијата за храна и лекови (ФДА) дека примила пратки од компанија во Тајланд со нестандардни и видно извалкани ракавици.

Сепак, тајландската компанија успеа да испорача десетици милиони ракавици во следните месеци, од кои некои пристигнаа дури во јули.