Силен земјотрес ги погоди планините Висок Атлас во Мароко, при што загинаа најмалку 296 луѓе. Уништени се многу згради, а населението во паника ги напуштило своите домови.

На првите снимки се гледаат големите штети што ги претрпе земјотресот во Мароко.

Видеата кои кружат на социјалните мрежи покажуваат оштетени згради, се е во урнатини, а луѓето панично бегаат низ облаци од прашина.

Некои згради во стариот дел на Мароко се урнаа, а голем број жители останаа на улиците поради опасност од нов земјотрес.

Devastante #terremoto del 7° della scala Richter, in #Marocco durante la notte. L'epicentro, sarebbe a circa 30 km da #Marrakech... La scossa l'hanno avvertita anche in #Spagna e Portogallo... Attualmente i morti sarebbero circa 300... pic.twitter.com/McS9MIhyiE

— Scala-la-vetta (@IosonoScala) September 9, 2023

На веб-страницата на Европско-медитеранскиот сеизмолошки центар има и такви кои го почувствувале земјотресот. Некои сведоци велат дека ударот бил многу силен и дека се траело околу една минута.

Еве уште неколку коментари:

- Беше страшно, особено сите тие последователни потреси.

- Во куќата има многу скршено стакло, се се тресеше речиси една минута

- Почувствував силен земјотрес, ми пукна ѕидот од куќата.

- Беше страшно! Цела куќа се тресела, а прозорците пукнале!

#BREAKING #Marocco Many citizens of Marrakesh, Morocco found themselves on the streets after the devastating earthquake. pic.twitter.com/JbEqbuubvo

— The National Independent (@NationalIndNews) September 9, 2023

Да потсетиме, речиси 300 луѓе загинаа во силниот земјотрес со јачина од 6,8 степени според Рихтеровата скала што го погоди Мароко, соопшти Американскиот геолошки институт.

Геофизичкиот центар на Мароко соопшти дека земјотресот бил со јачина од 7,2 степени со епицентар во областа Игил на Високиот атлас.

Земјотресот бил на релативно мала длабочина од 18,5 километри и на оддалеченост од 72 километри југозападно од Маракеш.

Мароканското Министерство за внатрешни работи соопшти дека билансот на загинатите е прелиминарен и дека се повредени 153 лица. Најголем дел од смртните случаи се регистрирани во планинските области до кои било тешко достапни.