Покривот на најголемиот аеродром во индиската престолнина Њу Делхи денеска се урна под силен дожд и ветер, при што загина едно лице, а откажани се летовите, соопштија властите.

Дел од лакот во терминалот за поаѓање на аеродромот се урна рано утринава, при што беа повредени неколку лица, изјави за новинарите индискиот министер за авијација.

Целиот терминал, еден од трите на најпрометниот аеродром во земјата, е евакуиран и наредена е истрага за колапсот, изјави министерот Кинџарапу Рамохан Наиду.

Педесет домашни летови се откажани или одложени, според платформата за следење летови Flightradar24.

Condition of Delhi Airport Terminal 1 after first rain.

At least six people were injured after a portion of the roof collapsed on cars, including taxis, amid heavy rains at Terminal-1 of New Delhi's Indira Gandhi International Airport (IGIA)

Seems like everything is leaking… pic.twitter.com/7pFrybTTI2

— Mahua Moitra Fans (@MahuaMoitraFans) June 28, 2024

Осуммина повредени се пренесени во болница, изјави Атул Гарг, директор на противпожарната служба во Делхи.

Во три часот наврна огромна количина дожд

Индиската телевизија прикажа такси смачкано под скршен метален столб на влезот на терминалот, кој главно го користат нискобуџетните превозници IndiGo и SpiceJet за домашни летови.

#Delhi airport terminal roof collapse kills one, injures eight, says fire servicepic.twitter.com/pzueITsg0T #India
A man was crushed to death in his car and eight others were injured after a section of roof at New Delhi’s airport collapsed following heavy rain, the latest…

— World News (@ferozwala) June 28, 2024

Инцидентот се случил во 5 часот по локално време, што вообичаено е зафатено време за домашни летови, се вели во соопштението на аеродромот објавено на X.

Околу 148,5 милиметри дожд наврнале во аеродромската област за три часа, што е повеќе од просекот за цел јуни, соопшти индиската метеоролошка служба.

Поплавени се и многу други делови на Делхи, а автомобилите останаа заробени во вода висока неколку метри.

Фото: Принтскрин/Х