Жртвите скокнаа до смрт од запалените згради во избезумен обид да се спасат од смртоносниот пожар што во средата зафати казино во Камбоџа, соопштија тајландските спасувачки работници.

Спасувачите рекоа дека најмалку 11 лица загинале, но се очекува бројот на жртвите да се зголеми поради размерот на пожарот во хотелот и казиното Гранд Дајмонд Сити во Попет, град кој граничи со Тајланд, пренесува Си-Ен-Ен.

Пацарин Таентонг, водач на тајландски спасувачки тим кој одговори на итните повици од властите во Камбоџа, рече дека некои од жртвите изгледаат како да умреле од вдишување чад.

- Кога стигнавме, не можевме да влеземе бидејќи пожарот веќе ги зафати (поголемиот дел од) зградите - рече тој.

Според властите, околу 700 тајландски граѓани се спасени и испратени во болниците во Тајланд. 

Cambodia Update- Fire At The Grand Diamond City Hotel & Casino In Poipet, Cambodia, Leaves At Least 10 People Dead, 30 Others Injured, And Potentially Dozens Missing. The Fire Is Still Only About 70% Contained.#GrandDiamond #Poipet #Cambodia #BreakingNews pic.twitter.com/th0maWYFHk

— Chaudhary Parvez (@ChaudharyParvez) December 29, 2022

Фотографиите од местото на настанот покажуваат огромни светли килибарни пламени и облаци чад што се издигнуваат од комплексот.

Пеерапан Срисакорн, од Фондацијата за спасување на Аранјапратет, рече дека видел луѓе како скокаат од запалените згради.

- Две лица починале веднаш кога удриле на земја, а околу четири до пет (други) ги скршиле нозете - рече тој.

Видеата објавени на социјалните мрежи покажуваат спасувачи со шлемови и заштитна опрема како шетаат низ коридори исполнети со чад.

Пеерапан рече дека видел уште најмалку девет тела во зградите.

Тој се сомнева дека пожарот започнал во ресторан на долниот кат пред да се прошири на другите делови од комплексот. 

- Некои луѓе истрчаа на покривот, (мислејќи) дека Камбоџанците можеби ќе имаат спасувачки кран за да помогнат - но тие немаа. Синоќа беше многу ветровито. Пожарот брзо се прошири на горните катови, а потоа на сите страни, зафаќајќи ја целата зграда - објаснува Пеерапан.

Тој рече дека видел и како снемува струја во зградата и светлата се гасат. Останува нејасно дали пожарот е целосно изгаснат.

Пацарин, водачот на спасувачите, рече дека сè уште може да види големи количини чад, но повеќе не гледа пламен.

#watch- Rescue Going On in Grand Diamond City Hotel and Casino, #Poipet, #Cambodia. #GrandDiamond #กัมพูชา #Breaking #Cambodia #ตีสี่แล้ว #ขอให้ทุกคนปลอดภัยนะคะ #cambodian pic.twitter.com/4SDSuY5B4E

— Harish Deshmukh (@DeshmukhHarish9) December 29, 2022

Полицискиот комесар на провинцијата Бантеј Менчеј, генерал-мајор Сити Лох изјави дека се распоредени 300 полицајци, 11 противпожарни возила и голем број хеликоптери.

Причината за пожарот останува нејасна, а тесниот и покачен распоред на хотелот ја отежна целосната проценка на статусот на пожарот, рече тој.

Поипет, транспортен центар меѓу Камбоџа Сием Рип и тајландскиот главен град Бангкок, е познат по своите повеќекратни казина и е дом на многу Тајланѓани кои работат во индустријата за коцкање во градот.

Речиси сите форми на коцкање се нелегални во Тајланд, иако останува популарен порок во земјата со многу Тајланѓани кои ја преминуваат границата за легално да се коцкаат.

Фото: Принтскрин/Твитер