Голем пожар се случи попладнево во јужните предградија на Милано. Целосно изгоре зграда од 15 ката, пренесуваат италијанските медиуми.

На терен има итни служби, пожарникари и амбулантни возила. Првиот извештај за пожарот до пожарникарите пристигнал во 17:36 часот, а зградата наскоро цела е зафатена во пламен. Медиумите јавуваат дека семејствата се евакуирани.

Од далечина од неколку километри можеше да се види огромен облак чад, а снимката што се појави на социјалните мрежи покажува дека зградата целосно изгорела.

Дали останал некој во зградата во која живеат најмалку 70 семејства, која беше проголтана од пожарот за краток временски период, се уште не е познато.

#Incendio #milano #grattacielo #viaantonini pic.twitter.com/2ZWSBfekPH

— Bornking (@Kingborn) August 29, 2021