Проблемот е откриен во експлозивните патрони што се користат за отворање на пилотската кабина, одвојување на седиштата од авионот и катапултирање на пилотот.

Иако на почетокот се чинеше дека станува збор за приземјување на само мал број од само еден модел на авион, проблемот со седиштата набрзо беше откриен и на голем број други модели авиони во вооружените сили на САД и во Обединетото Кралство, Германија и Израел.

Според специјализираниот портал The War Zone, можен проблем со седиштата бил откриен во април годинава, но американските вооружени сили не презеле ништо додека не спроведат истрага.

Проблемот беше идентификуван во уредите (CAD) за активирање  во седиштата за катапултирање односно, неуспехот на CAD системите првпат беше откриен од Воздушната борбена команда на американските воздухопловни сили за време на рутинско тестирање. Тогаш командата одлучи да ги приземји сите нејзини авиони 113 F-35A за да го забрза прегледот на CAD системите.

Меѓутоа, покрај споменатите 113 авиони Ф-35А, стотина други беа приземјени како дел од воздухопловните сили, морнарицата и маринскиот корпус. Истите CAD системи се наоѓаат на седиштата на тренинг авионите Т-38 Талон и Т-6 Тексански, а 19-та команда на воздухопловните сили соопшти дека биле принудени да приземјат дури 203 авиони Т-38 и 76 авиони Т-6 поради потенцијалниот проблем.

Авионите ќе останат приземјени додека не може со сигурност да се утврди дека функционираат нивните исфрлувачки седишта, но во овој случај инспекцијата сè уште не е ни започната - се уште се смислуваат процедури воопшто да се изврши.