Стопирано уништувањето на паркот Гези во Истанбул
Турскиот суд пресњчњ, паркот Гези од каде што почна бранот протести во Турција, нема да се уништува. Судот го поништи проектот за преуредување на централниот плоштад Таксим со кој се бараше рушење на паркот и сечење на повеќе од 600 дрвја.
Како што објави Ројтерс, повикувајќи се на копија од судската пресуда, ова е одлука на административниот суд уште на почетокот на јуни. Адвокатот на тужителот објавил дека судот пресудил дека со планот за изградба на трговскиот центар се кршат прописите.
Претходно турскиот премиер Реџеп Таип Ердоган, тврдеше дека Владата прво ќе ја почека судската одлука, а потоа ќе продолжи со изградбата на згради и џамија во паркот.
Слично
Поврзани вести
