Столтенберг вели дека војната во Украина може да трае со години
Генералниот секретар на НАТО, Jенс Столтенберг вели дека војната во Украина може да трае со месеци, па и со години. Тој вели дека мора да бидат подготвени на долг рок.
„НАТО со години е подготвен да ја поддржи Украина во војната со Русија, вклучително и помагање на Киев да премине од оружје од советската ера кон модерни западни оружја и системи“, изјави генералниот секретар на НАТО, Јенс Столтенберг.
Кремљ претходно предупреди дека снабдувањето со оружје на Украина, вклучително и тешкото оружје, претставува закана за безбедноста на европскиот континент и „провоцира нестабилност“.
Најмалку две експлозии беа регистрирани вечерва во Киев, веднаш по средбата меѓу украинскиот претседател Володимир Зеленски и генералниот секретар на ОН, Антонио Гутереш. Русија на 24 февруари ја почна инвазијата на Украина.
Слично
Поврзани вести
