Генералниот секретар на НАТО Јенс Столтенберг вели дека руските активности во арктичкиот регион претставуваат стратешки предизвик за НАТО и затоа Алијансата мора да го зајакне сојузничкото присуство на Арктикот. 

„Далечниот север од планетата е сè поважен за НАТО и за Канада, бидејќи гледаме значително зголемување на руската армија на Арктикот, со нови бази, нови системи за оружје“, рече Столтенберг.

Канадскиот премиер Џастин Трудо додаде дека геополитичката ситуација е променета во последните месеци, поради што вели дека признава дека „Русија е растечка загриженост и дека е дојдено време сето ова да се сподели со генералниот секретар на НАТО“, сојуз што ја вклучува и Канада.

Инаку, за војната во Украина, Столтенберг вети дека Украина може да смета на нивната помош.